Татарстанда бер атна эчендә автомобиль ягулыгының барлык төрләренә дә бәя арткан

Статистикадан күренгәнчә, АИ-92 маркалы бензинның литры бер атна эчендә 24 тиенгә – 46,04 сумнан 46,28 сумга кадәр арткан. АИ-95 маркалы бензинның бәясе – 51 тиенгә (49,68 сумнан 50,19 сумга кадәр), ә АИ-98 маркалысы 38 тиенгә (61,18 сумнан 61,56 сумга кадәр) кыйммәтләнгән.

Дизель ягулыгы исә ике тиенгә генә арткан, хәзер аның литры 54,69 сум (бер атна элек 54,67 сум иде) тора.

Элегрәк Reuters агентлыгы чыганакларга сылтама белән хәбәр иткәнчә, РФ Хөкүмәте ягулык кытлыгын булдырмас һәм нефть эшкәртү заводлары өчен ягулык демпферын киметү турындагы карардан соң бәя артуга чик кую максатыннан бензинны экспортка чыгаруны тыю мөмкинлеген карый.

Бу хакта тулырак: https://tatar-inform.tatar/news/tatarstanda-ber-atna-ecenda-avtomobil-yagulygynyn-barlyk-torlarena-da-baya-artkan-5871878

фото:https://ru.freepik.com/free-photo