Татарстанда бердәм дәүләт имтиханында 100 балл җыючыларга акчалата премия бирәчәкләр
Быел Татарстанның Мәгариф һәм фән министрлыгы бердәм дәүләт имтиханын 100 баллга тапшырган укучыларны бүләкләячәк. Премия күләме максималь нәтиҗәгә тапшырылган фәннәр санына бәйле була.
Фото: © «Татар-информ», Владимир Васильев
Бу хакта Татарстан Министрлар Кабинетында узган брифингта республиканың мәгариф һәм фән министры Илсур Һадиуллин әйтте.
«Бердәм дәүләт имтиханында максималь нәтиҗәгә ирешкән быелгы чыгарылыш укучыларын республиканың Мәгариф һәм фән министрлыгыннан бүләк көтә: аларга җыелган нәтиҗәне исәпкә алып, 15, 25, 35 мең сум күләмендә бер тапкыр премия түләнәчәк», – диде министр.
Татарстанда барлыгы 342 укучы бер фәннән булса да 100 балл җыйган, алар арасында ике укучы кыз өч фән буенча да максималь нәтиҗәгә ирешкән.
Илсур Һадиуллин сүзләренчә, Татарстанда йөз балл җыючыларның күбесе республикадагы югары уку йортларын сайлаган, популярлык буенча икенче урында – Мәскәү, өченчедә – Санкт-Петербург. Сайланган юнәлешләр арасында узган елдагыча, филология һәм мәгълүмати технологияләр алдынгы урында.
Тулырак: https://tatar-inform.tatar/news/tatarstanda-berdam-daulat-imtixanynda-100-ball-yyucylarga-akcalata-premiya-biracaklar-5891174
Следите за самым важным и интересным в Telegram-каналеТатмедиа
Нет комментариев