Татарстанда гөмбә ашап агулану очраклары күренә башлады

Узган елгы мәгълүматларга күз салсак, ал гөмбә дип белеп, агулы гөмбә ашау аркасында ике кешенең гомере өзелгән булган. Бу хакта "Татар-информ" хәбәрчесенә Казан шәһәренең 7 нче клиник хастаханәсе токсикологы, табиб-реаниматолог Алия Насыйбуллина җиткергән. Аның сүзләренчә, ТР Токсикология үзәгенә көн саен гөмбә ашап агуланган бер-ике кеше китерелә икән. Август азагыннан алып бүгенге көнгә кадәр вакытта мөрәҗәгать итүчеләр саны 20 кешегә җиткән. Аларның 12се хастаханәгә салынган.

Сүз уңаеннан: мөрәҗәгать итүчеләр күп очракта майлы гөмбә һәм баллы гөмбә ашап агуланалар икән. "Төп сәбәбе - гөмбәне дөрес эшкәртмәү һәм әзерләмәү", - дигән табиб.

http://intertat.ru