Татарстанда халыкка түләүсез юридик ярдәм күрсәтеләчәк

29 сентябрь көнне эш сәгатьләрендә юридик ярдәм күрсәтү буенча 56 пункт эшләячәк.

(Казан, 15 сентябрь, "Татар-информ"). Татарстан 29 сентябрь көнне Халыкка түләүсез юридик ярдәм күрсәтүдә Бөтенроссия көненә кушыла. Бу хакта Россия юристлар ассоциациясенең Татарстан төбәк бүлеге хәбәр итә.

Бу көнне белгечләрдән консультацияләрне:

• Россия Президентының Татарстандагы кабул итү бүлмәсендә;
• "Бердәм Россия" партиясе рәисенең төбәк кабул итү бүлмәсендә;
• Татарстан Иҗтимагый палатасында;
• район-шәһәрләрнең "Бердәм Россия" партиясе бүлекчәләрендә;
• Казанда, Әлмәттә, Бөгелмәдә - Россия юристлар ассоциациясенең Татарстан төбәк бүлеге үзәкләрендә алырга була.

29 сентябрь көнне эш сәгатьләрендә юридик ярдәм күрсәтү буенча 56 пункт эшләячәк.

Консультантлар - Республика прокуратурасы, Юстиция министрлыгы, Конституция суды аппараты, суд приставлары федераль хезмәте белгечләре, адвокатлар, нотариуслар, Россия юристлар ассоциациясе әгъзалары булачак.

Төгәл адрес, график һәм телефоннарны Россия юристлар ассоциациясенең Татарстан төбәк бүлеге alrf16.ru сайтыннан 22 сентябрьдән соң алып булачак.

http://tatar-inform.tatar