Татарстанның ЮХИДИ идарәсе яңа хезмәткәрләр җыя

Татарстанның ЮХИДИ идарәсе яңа хезмәткәрләр җыя, дип хәбәр иттеләр «Татар-информ» агентлыгына Дәүләт автоинспекциясеннән.

Дәүләт автоинспекциясенә 35 яшькә кадәрге, югары яки урта махсус белеме булган ир-атларны чакыралар. Мәҗбүри шарт: хәрби билет (А-1 яраклылык категориясе), машина йөртү таныклыгы булуы һәм хөкемгә тартылмаган булу.

ИХИДИ идарәсендә югары хезмәт хакы  - аена 32 мең сумга кадәр - һәм уңайлы эш шартлары вәгъдә итәләр.

Шулай ук гражданнар муниципаль хезмәте, Россия Эчке эшләр министрлыгының ЮХИДИ идарәсе юл-патруль хезмәте полкы белән берлектә, яңа хезмәткәрләрне эшкә чакыра. Биредә 22 яшьтән 55 яшькә кадәрге, хөкемгә тартылмаган һәм югары яки урта махсус белеме булган ир-атларны көтеп калалар.

Уңайлы график һәм югары хезмәт хакы ЮХИДИ белән берлектә муниципаль хезмәттә эшләү өчен яхшы стимул булачак. 

Фото: архив/Рамиль Гали