ТНВ дикторы тизәйткеч белән чыныгу уза (ВИДЕО)

автор, 11 октябрь 2018 - 11:27

1143

ТНВ каналындагы алып баручылар оста инде, күзләр генә тимәсен. Альбина Асылгәрәева видеокамераларга карап яңалыклар укыр алдыннан үзенең сөйләм аппаратын чыныктыра. Берсеннән-берсе күңелле тизәйткечләр белән. Прокурорлар да калмый, президентлар да. Барысына да эләгә Асылгәрәева тизәйткечләрендә!

Моңарчы рус телле интернетта мондый темага багышланган видеоларның вируслы булып китү очраклары да бар иде. Кайберләрен өчәр миллион кеше караган.

Альбина Асылгәрәевага да шундый популярлык телибез.

Хәер, моннан берничә ел элек ул “Казан” телерадиокомпаниясендә эшләгән вакытта бөтен дөньяга танылган иде инде. Аның “Надоело всёёё!” дигән видеосын ютубта 10 млн (!) кеше караган. Роликны хәтта үзәк ТВ-каналлар да күрсәтте.