Велогонщик Илнур Зәкәрин Чаллыда футбол аренасы төзеде һәм турнир оештырды

Татарстаннан танылган велогонщик, "Джиро д’Италия" вело-узышларының ике этабы, "Тур де Франс"ның бер этабы җиңүчесе, шулай ук 2017 елда "Вуэльт Испании" велоузышында гомуми өченче урын алып торган Илнур Закарин Яр Чаллыда футбол аренасы төзеде һәм турнир оештырды. Бу хакта велогонщик үзенең Instagram битендә язган.

"Һәм менә без Zak Арена төзедек! Хәзер спорт сөючеләр бер сыйныф бүлмәсенә җыела һәм вакытны файда белән үткәрә ала. Декабрьдә без шәһәр тарихында өлкәннәр өчен мини-футбол буенча иң масштаблы турнир һәм балалар турниры уздырачакбыз. Һәм мин ышанам, алга таба күбрәк булачак. Бу әле башы гына", - дип язган Зәкәрин.

Ул 5 ел элек спортны популярлаштырырга вәгъдә биргәнен искәртте. "Мин үземнең туган шәһәремнән - Яр Чаллыдан башларга булдым. Мини-футбол өчен арена төзелешендә тукталдык. Ел буе без барлык документларны җыйдык, тагын ярты ел - төзелеш белән шөгыльләндек ", - дип билгеләде велогонщик.

Аның сүзләренә караганда, Чаллыда ул сирәк була, шуңа күрә барлык оештыру мәсьәләләре белән аның энесе Айдар Зәкәрин шөгыльләнгән, ә үзе нигездә проектны финанслауны тәэмин иткән.

Zak Арена соңгы буын газоны белән капланган 20 метрлы кырдан тора. Биредә ел әйләнәсе футбол турнирлары һәм дусларча матчлар уздырырга мөмкин.

Искәртәбез, Илнур Зәкәрин «Джиро д’Италия-2020» велоузышында 22 нче йомгаклау урынын алды.

Фото: instagram.com/zakarin_ilnur

Чыганак: tatar-inform.ru