Видео: Астронавт Антон Шкаплеров космостан азнакайлыларны Яңа ел белән котлады

Космонавт Антон Шкаплеров, Азнакайда җылы каршы алуларын искә төшереп, Җир орбитасыннан азнакайлыларны һәм район башлыгы Марсель Шәйдуллинны Яңа ел белән котлады. Видео «Вести КАМАЗа» рәсми хостингына урнашырылган.

Россия космонавты Антон Шкаплеров, АКШ һәм Япония астронавтлары Скотт Тингл белән Норисиг Канаи 17 декабрьдә «Союз МС-07» кораблендә Халыкара космик станциягә юнәлделәр. Экипажны Татарстан Президенты Рөстәм Миңнеханов озатты.

Антон Шкаплеров Instagramда үз битендә Халыкара космик станциягә өченче экспедиция Яңа елга һәм Раштуа бәйрәмнәренә туры килә, дип билгеләп үткән.

Шкаплеров шулай ук космонавтлар орбитада чыршы бизәвен, хәттә кайбер күчтәнәчләрне дә татып каравын белдергән.

Экипажның космик экспедициясе 122 көн дәвам итәчәк.

http://tatar-inform.tatar