Владимир Путин Казанга килде

Россия Президенты Владимир Путин Казанга килде дип хәбәр итә Татарстан Президенты матбугат үзәге. "Казан" халыкар аэропортында аны Татарстан Президенты Рөстәм Миңнеханов һәм РФ Президентының Идел буе федераль округындагы Тулы вәкаләтле вәкиле Михаил Бабич каршы алды.

Ике көнлек эш сәфәре кысаларында дәүләт җитәкчесе Татарстан Президенты Рөстәм Миңнеханов, дин әһелләре һәм Болгар ислам академиясе җитәкчелеге белән очрашачак. Шулай ук аның "Туполев" акционерлык җәмгыяте филиалы - С.П.Горбунов исемендәге Казан авиация заводында булуы көтелә.

Моннан тыш Владимир Путин бөтенроссия студент клубларының "Бергәләп алга!" форумында катнашачак һәм Казан федераль университетында илнең иң алдынгы уку йортлары белән телекүпер оештырачак. 

http://tatar-inform.tatar