Яңа елдан соң банкоматлар 200 һәм 2 мең сумлык купюраларны кабул итәргә әзер булачак

Россиянең эре банклары банкоматларын 200 һәм 2 мең сумлык яңа купюраларны кабул итәргә 2018 ел башына әзерләп бетерергә ниятли. Бу хакта сораштыру үткәрелгән банкларның матбугат хезмәтләрендә хәбәр иттеләр, дип яза ТАСС.

Яңа номиналдагы купюраларны бирү функциясен эшләү тәмамлану алдында, дип билгеләп үттеләр Саклык банкында.

Үзәк банк башлыгы Эльвира Нәбиуллина һәм Дәүләт билгесе генераль директоры Аркадий Трачук ТАСС агентлыгында матбугат конференциясендә агымдагы ел ахырында әйләнешкә чыгарга тиешле 200 һәм 2 мең сумлык яңа банкнотларны тәкъдим итте.

Фото:https://ngs.ru

http://tatar-inform.tatar