Якташыбыз, шоумен, танылган алып баручы Фәнил Вакказов икенче тапкыр әти булган [+фото]

Татар эстрадасында бәби-бум башланды дияргә була. Илнар Сәйфиев турында язып та элергә өлгермәдек, тагын бер сөенечле хәбәр килеп иреште.

Җырчы Фәнил Вакказов та янәдән әти булган. Бу хакта ул инстаграмына язып элгән.

«Бу биткә куелган фотоларның әле бер тапкыр да 1000 "ошау" җыйганы булмады. Ничектер монысы җыяр кебек тоела. Нәкъ 3 көн элек мин икенче тапкыр әти булдым. Кызым туды. Бүген аны өйгә алып кайттык. Шатлыгымны сезнең белән дә уртаклашасым килде. Күз генә тидерә күрмәгез инде, фотоларны экраныгызга төкерә-төкерә карагыз» - дип язган җырчы.

Тфү-тфү!

http://matbugat.ru/news/?id=19100