Зур авария: хатын-кыз идарә иткән "Мерседес" өч машинага бәрелеп, 24 кеше утырган микроавтобусны аударган [+фото]

автор, 23 ноябрь 2016 - 08:55

1012

Иркутск өлкәсендә эре юл-транспорт һәлакәте булган, дип яза "Российская газета". Әлеге һәлакәт нәтиҗәсендә 11 кеше зыян күргән.

Зур авария: хатын-кыз идарә иткән "Мерседес" өч машинага бәрелеп, 24 кеше утырган микроавтобусны аударган [+фото]

23 ноябрьдә иртән Байкал трактының 16нчы чакрымында "Мерседес" йөртүче башта йөк машинасына, аннары тернәкләндерү үзәге хезмәткәрләре утырган "Форд" микроавтобусына һәм "Ауди" машинасына бәрелгән. "Мерседес" белән хатын-кыз идарә иткән. Бәрелешү нәтиҗәсендә микроавтобус әйләнеп капланган. Микроавтобуста 24 кеше булган.

Һәлакәт нәтиҗәсендә "Форд" ның 11 пассажиры зыян күргән, шулай ук "Мерседес" йөртүчесен дә хастаханәгә алып киткәннәр.