1 елдан озагракка контракт төзегән хәрби 10 млн сумга кадәр бурычын гамәлдән чыгара ала

 1 декабрьдән «Башкарма производство турында»гы Федераль законга үзгәрешләр кертү хакында» һәм «РФ Кораллы көчләренә мобилизация буенча хәрби хезмәткә чакырылган һәм махсус операциядә катнашучы хәрбиләр, шулай ук аларның гаилә әгъзаларының кредит килешүләре (займ килешүләре) буенча йөкләмәләрен үтәүнең үзенчәлекләре һәм Россия Федерациясенең аерым закон чыгару актларына үзгәрешләр кертү турында»гы Федераль закон үз көченә керде.

Хәзер Россия армиясендә бер елдан артыграк хезмәт итү турында контракт төзегәндә бурычлы кешенең яки аның ире/хатынының кредит һәм ипотека буенча 10 миллион сумга кадәр башкарма производстволары туктатыла.

Башкарма производстволарны оператив рәвештә туктату һәм барлык арестларны гамәлдән чыгару өчен хәрбиләргә эш көнендә Россия Федераль суд приставлары хезмәтенең башкарма производство алып барыла торган структур бүлекчәсенә яки Россия Федераль суд приставлары хезмәте территориаль органының идарә аппаратына мөрәҗәгать итәргә кирәк.

Шулай ук контракт хезмәтенә сайлап алу пунктларында мәҗбүри үтәтү органының кизү хезмәткәренә мөрәҗәгать итәргә мөмкин.

Тулырак: https://tatar-inform.tatar/news/1-eldan-ozagrakka-kontrakt-tozegan-xarbi-10-mln-sumga-kadar-burycyn-gamaldan-cygara-ala-5897110