3 июль – ЮХИДИ хезмәткәрләре көне

Сезне һөнәри бәйрәмегез белән чын күңелдән котлыйбыз. Транспорт чаралары елдан-ел арткан заманда сезнең көндәлек хезмәтегез бәяләп бетергесез. Һава шартлары нинди булуга карамастан, һәрвакыт юлларда тәртип саклыйсыз, йөртүчеләр, бакча балалары, мәктәп укучылары арасында профилактика эше алып барасыз. Юл һәлакәтләре килеп чыкмасын өчен көчегезне кызганмыйсыз. Киләчәктә дә юллардагы җәяүлеләр һәм транспорт чараларын йөртүчеләр, пассажирлар иминлеген кайгыртырсыз дип ышанабыз. Үзегезгә һәм гаиләләрегезгә, шулай ук ЮХИДИ ветераннарына сәламәтлек, бәхет-шатлык һәм аяз күк йөзе телибез.