Байлар Сабасында ТР Дәүләт бюросының икенче офисы ачылачак

 Татарстан Республикасы юстиция министры Рөстәм Заһидуллин билгеләп үткәнчә, бүгенге көндә объектны файдалануга тапшыру өчен башкарма-техник документация рәсмиләштерү эшләре  алып барыла.

"Байлар Сабасында Госюрбюро филиалы ачылу түләүсез юридик ярдәм күрсәтүне вакытында һәм уңайлы шарталарда башкаруны тәэмин итәргә мөмкинлек бирәчәк, шулай ук Саба һәм бистә яны районнарында яшәүчеләрнең хокукый проблемаларын хәл итүдә җитди таяныч булырга тиеш. Юстиция министрлыгы бөтен бина өчен барлык кирәкле техника һәм җиһазлар сатып алган. Якын арада учреждениене ачу буенча оештыру чаралары үткәреләчәк», - дип хәбәр итте министр.

Бер ел элек республиканың Дәүләт бюросы Казанда ачылды. Бу вакыт эчендә Госюрбюро белгечләре республиканың 25 ерак районын әйләнеп чыктылар, анда белгечләр 191дән артык хокукый консультация күрсәттеләр.

"Без телдән һәм язма рәвештә хокукый консультация рәвешендә ярдәм күрсәтәбез, шикаятьләр, үтенечләр һәм башка хокукый характердагы документлар төзибез, төрле оешмаларга һәм хакимият органнарына берничә тапкыр мөрәҗәгать итә алабыз. Шунысы куанычлы: Дәүләт бюросының икенче бүлеге ачылачак, анда авыр сораулар белән килеп, грамоталы юридик ярдәм алырга мөмкин булачак», - ди республика Дәүләт бюросы җитәкчесе Марс Фәтхуллин.