«Бәләкәч» балалар бакчасында тәрбияләнүчеләр «Солдатка аш» проектына кушылды

  Изге эшкә үзеннән өлеш кертүче кешеләр СВОга гуманитар ярдәм әзерләнүче штабка эзне суытмый. "Бәләкәч" балалар бакчасында эшләүче тәрбиячеләр,  әти-әниләр, тәрбияләнүче балалар да бу эштән читтә калмый. Бакчада "Гуманитар ярдәм җыю", "Солдатка хат" акцияләре уздырылып тора. Бу көннәрдә мәктәпкә әзерлек төркеме балалары тәрбияче апалары белән берлектә штабка сәяхәт һәм ярдәм оештырды. Балалар волонтер апалар белән таныштылар, эш барышын күзәттеләр, үз куллары белән ясаган матур рәсемнәрен, хатларын, әти- әниләре белән берлектә әзерләгән гуманитар ярдәмнәрен тапшырдылар.