Балалар акчаның күктән яумаганын аңлап, хезмәттә тәрбияләнә

 “2014-2025 елларга Татарстан Республикасы халкының мәшгульлегенә ярдәм итү” дәүләт программасы чаралары кысаларында районда яшүсмерләрне җәйге каникулда һәм укудан буш вакытта вакытлыча эшкә  урнаштыру  оештырыла. Шулай итеп, балалар  акчаның   күктән яумаганын  аңлап, хезмәттә тәрбияләнә. Районыбызның хезмәт, халыкны эш белән тәэмин итү үзәге оешма-предприятиеләр,  учреждениеләр белән  әлеге  максатта  килешүләр төзүдә республикада 1нче  урында бара. Әйтик, июнь аенда 215 укучы җәмгыятьтә файдалы хезмәттә булган. Июльдә  дә шуның  кадәр яшүсмер хуҗалыкларда, предприятиеләрдә яки уч­реждениеләрдә эшләгән.