Батырлыгы хәтерләрдә яшәр

 Район башлыгы Рәис Миңнеханов  мәрхүмнең туганнары һәм якыннарына кайгы уртаклашу сүзләре җиткерде.

Сугышчы белән хушлашу мә­ра­симендә Федераль салым  хез­мә­тенең республика  идарәсе җи­тәкчесе  урынбасары Андрей Ни­киташин да катнашты. Эдуард Мөхәмәтҗанов 1972  елның 26 ав­густында Шәмәрдәндә туган. 2022 елның августында контракт килешүе төзеп, махсус хәрби операция зонасына китә. Ул үзен курку белмәс каһарман сугышчы итеп таныта, Работиноны азат иткәндә күрсәткән  батырлыгы өчен Георгий ордены белән  бүләкләнә. 2023 елның 31 декабрендә хәрби операция барышында һәлак була. Соңгы  юлга озатканда аның РФ Президенты Владимир Путин Указы белән каһарманлыгы һәм кыюлыгы өчен, үзе һәлак булганнан соң,  Батырлык ордены белән бүләкләнүе турында хәбәр ителде.