Беренче – Адель, икенче – Кәрим, өченче...

Саба аграр көллияте базасында «Автосессия – 2023» республика бәйгесенең муниципаль этабы узды.

Ярышны уку йортлары студентлары һәм урта махсус уку йортлары укучылары арасында юл-транспорт һәлакәтләре санын киметү максатыннан ЮХИДИнең район бүлекчәсе “Юл хәрәкәте иминлеге”дәүләт бюджет учреждениесе белән берлектә үткәрә.

Ярыш ике этапта узды. Уку аудиториясендә студентлар юл хәрәкәте кагыйдәләрен белүләре буенча имтихан тоттылар. Бәйгенең икенче этабы фигуралы йөртү булды, аны студентлар автодром территориясендә тапшырдылар.

Барлык сынау нәтиҗәләре буенча 1 урынны Адель Әкбәров, 2 урынны Кәрим Нәбиев, 3 урынны Мөхәммәт Исмәгыйлов белән Рөстәм Сәфәров яулады.