Бүген бөтен дөнья буйлап “Татарча диктант”дип исемләнгән белем бирү акциясе узды

Гомәр Бәшировның “Чишмә моңы ничек җыр булды?” дигән 223 сүздән торган текстны әти-әниләргә һәм укучыларга Саба шагыйрәсе Илмира Гыймаева, мәгариф бүлеге җитәкчесенең тәрбия эшләре буенча урынбасары Гөлнар Шәфыйкова, Яшьләр парламенты рәисе, “Бердәм Россия”нең “Яшь Гвардия”се Саба җирле бүлегенең җитәкчесе Айнур Хәлиев, татар теле һәм әдәбияты укытучысы Сания Галимҗанова укыды. Чараның иң өлкән катнашучысы Гөлҗәүһәр ханым Нәгыймова да (оныклары әлеге мәктәптә белем ала) “Татарча диктант”ны бер елны да калдырмаска тырыша икән. “Татар теле укытучысы буларак, бу чараның туган телебезне саклауга, яшь буынны милли җанлы итеп тәрбияләүдәге мөһимлеген аңлыйм, һәрвакыт теләктәшлек күрсәтәм һәм яратып катнашам” диде ул.