Бүген Татарстан  Конституциясе   көнендә республика Президенты  Рөстәм Миңнеханов  муниципаль берәмлекләр конкурсында  җиңүчеләрне бүләкләде. 

Җиңүчеләргә җиңел автомобильләр тапшырылды. “Без инде озаклар  вакытлар муниципаль җирлекләргә  булышабыз.  Соңгы  елларда   аларга 2,5 меңннән артык автомобиль   бирелде.  Мин муниципалитетларда  эшләүчеләрне – безнең ныклы терәгебез дип  саныйм. Алар хакимият  һәм  халык арасында булып,  иң  мөһим мәсьәләләрне хәл итәләр”,– диде Рөстәм Миңнеханов. Автомобиль  ачкычларын безнең  районнан Сатыш, Түбән Шытсу,  Килдебэк   авыл җирлекләренэ биреллде. (башлыклары  Фаил Шәфигуллин, Булат Мәүлетов,  Нияз  Загидуллин) .    Тантанада  район  башлыгы Рәис  Миңнеханов  катнашты.  Быел  конкурска барысы 200 заявка  бирелгән  булган.  Шулар  арасыннан  100  җиңүче  сайлап  алынган.