«Чәчәкле Саба-2024» бәйгесендә катнышыгыз!

   Районыбызда быел да  шәхси хуҗалыклар, күпфатирлы йортлар, оешмалар, авыл җирлекләре, авыл хуҗалыгы предприятиеләре, мәгариф, сәламәтлек саклау, мәдәният, спорт учреждениеләре, дини оешмалар арасында биләмәләрне яшелләндерү, эстетик яктан матурлау, чәчәклек белән бизәү буенча конкурс игълан ителде. Шунысын да искәртик, шәхси хуҗалыкларда урам яктагы, капка каршындагы бизәлеш кенә исәпкә алыначак. Бәйгедә катнашу өчен фотоматериалларны 27 августка кадәр saba@tatar.ru электрон почтасына юлларга кирәк. Нәтиҗәләр 30 август – Республика көнендә игълан ителәчәк. Барыгызны да әлеге гүзәллек  бәйгесендә катнашырга чакырабыз. Җиңүчеләрне кыйммәтле  бүләкләр көтә.