Эзмә укучылары Ватан сакчыларыбызга төсле бияләйләр ясадылар

  Волонтерлар көне уңаеннан Эзмә урта мәктәбенең 1 сыйныф укучылары тәрбия буенча директор киңәшчесе Ч.Галимуллинна  белән бергә свода катнашучы ватандашларыбыз өчен открыткалар әзерләделәр. Открыткалар бияләр формасында, төрле төстә эшләнгән, анда балалар изге теләкләрен дә юллаганнар. Сабыйларның самимилыгы белән иҗат ителгән әлеге кул эшләре ир-егетләребезгә туган як җылысын, сагыну хисләрен алып барып җиткерер дип ышанабыз.