Яшь биючеләребез «Бию планетасы» фестивале лауреаты булдылар

Хөснулла һәм Аллаһияр Вәлиуллиннар исемендәге Саба  балалар сәнгать мәктәбенең "Яшьлек" хореография коллективы, "Мизгел" төркеме (җитәкчесе Мөбәрәкҗанова А.З.)  7 апрель көнне  "Бию планетасы" хореография һәм цирк сәнгате фестиваль бәйгесендә катнашты. Әлеге конкурс Киров өлкәсе Нократ Аланы районы Красная Поляна бистәсендә инде 13 нче тапкыр үткәрелә. Конкурс нәтиҗәләре буенча “Мизгел” төркеме “Стилизацияле бию” номинациясендә 1 дәрәҗә лауреат булды, “Эстрада биюе” номинациясендә шулай ук 1 дәрәҗә лауреат исеменә лаек булды.