Язлы Арташта урам концерты узды

   28 июль көнне Язлы Арташ һәм Сабабаш авыл клублары хезмәткәрләре Язлы Арташ авылында  "Яшәү  яме" дигән урам концерты оештырдылар.Концерт программасын тамашачылар җылы каршы алды, чөнки җәй җырлыйсы һәм биисе килә торган вакыт, артистлар үз тамашачыларына нәкъ менә шушы кәефне җиткерергә тырыштылар. Концерт программасы мавыктыргыч һәм төрле иде. Концерт тамашачыларның күңеленә хуш килде, алар һәр чыгышын көчле алкышлар белән каршы алдылар.Концерт ахырында авыл халкы артистларга уңай эмоцияләр өчен рәхмәт белдерде һәм яңа иҗади уңышлар теләде.