“Игътибар: балалар!” профилактика чарасы

  Статистика күрсәткәнчә, балалар катнашында юл-транспорт һәлакәтләре август-сентябрь аенда арта.Балалар-яшүсмерләр бу чорда озак вакыт ялдан соң  юлда йөрү күнекмәләрен бераз онытып җибәрә, игътибарлары таркаурак  була. Аларга транспорт чарасына өстәмә адаптация кирәк, ди дәүләт автомобиль инспекциясе хезмәткәрләре. Узган елда республикада август-сентябрь аенда 73 авария булган, шуларда 82 бала зыян күргән.Быел исә Татарстан юлларында 7 айда 16 яшькә кадәрле балалар катнашында 245 юл-транспорт һәлакәте теркәлгән, аларда 7 бала һәлак булган, 258е төрле җәрәхәтләр алган. Чара кысаларында ЮХИДИнең район бүлекчәсе “Юл хәрәкәте иминлеге” дәүләт бюджет  учреждениесе бүлекчәсе  һәм  башка  органнар белән  берлектә нәтиҗәле профилактика  эше  алып  барачак. Балалар йөртүче автобусларны тикшерүләр үткәреләчәк, яктылык кайтаргыч элементларны популярлаштыруга, җәяүлеләргә юл бирмәүче йөртүчеләрне ачыклауга игътибар артачак. Яңа  уку елының беренче ункөнлегендә ЮХИДИ хезмәткәрләре укучылар белән әңгәмәләр үткәрәчәкләр, шул чорда  кагыйдәләрне ихтирам итүче яшь буын тәрбияләү максатында киң масштаблы “Игътибар – балалар!” акциясе оештырылачак. Чара 11  сентябрьгђ кадђр дђвам итђ.