Иләбәр авылыннан Галиевлар Республика Рәисе һәм аның тормыш иптәше белән очрашуда катнаштылар

  Ел саен республика көне алдыннан Татарстан Рәисе Рөстәм Миңнеханов һәм аның тормыш иптәше Гөлсинә Миңнеханова исеменнән Татарстанның иң күркәм гаиләләрен тантаналы кабул итү үткәрелә. ТРсы Министрлар кабинеты ЗАГС идарәсе начальнигы Гөлшат Нигматуллина билгеләп үтүенчә, унынчы тапкыр үткәрелүче әлеге чарада 500дән артык асыл Татарстан гаиләләре катнашкан. Быел 25 августта Казан Кремлендә узган мәртәбәле чарада Иләбәр авылыннан Вәсилә һәм Айдар Галиевлар катнашты.