Иминлек каешен эләктерми йөрүчеләр, кагыйдә бозучы җәяүлеләр дә бар әле

  Март аенда  ЮХИДИнең район бүлекчәсе инспекторлары полиция хезмәткәрләре белән берлектә Сабаның Г.Закиров урамында 13.30-15.00 сәгатьләрдә  чираттагы “Тоннель” операциясе үткәрделәр. Тоташ  тикшерүләр барышында 34 транспорт чарасы тикшерелеп, 8 йөртүченең юл хәрәкәте кагыйдәләрен үтәмәүләре ачыкланды. Иминлек каешын эләктермәгән өчен 4 йөртүчегә  административ  беркетмә төзелде. Чараның тагын бер максаты җәяүлеләр тарафыннан юл хәрәкәте  кагыйдәләрен үтәмәү фактларын  ачыклау  иде. Урам  аркылы  “Зебра”дан  тыш урыннан чыкканнары өчен 2 кеше җаваплылыкка тартылды.

Шулай ук  23 марттан 1 апрельгә кадәр дәвам иткән "Язгы каникуллар!" профилактика  чарасына  да  йомгак  ясалды. Шушы  чорда балаларны махсус утыргычларда  йөртмәгән өчен 7  йөртүчегә 3әр мең  сум  күләмендә штраф  салынды. “Балаһөнәр” проекты  кысаларында ЮХИДИнең район бүлекчәсенә Сабабаш, Мичән һәм Олы Арташ мәктәпләреннән укучылар  килеп, автоинспектор һөнәре белән таныштылар.