Юл хәрәкәте кагыйдәләрен үтәмәүчеләрне ачыкладылар

 Районда  ай  саен юл хәрәкәте  кагыйдәләрен үтәмәүчеләрне тоташ  тикшерүләр барышында ачык­лауны  күздә тоткан “Тоннель” операциясе үткәрелә. Июльдә әлеге чара Байлар Сабасының Завод урамында булды. ГАИның район бүлекчәсе инспекторлары полиция хезмәткәрләре белән берлектә 1,5  сәгатьтә 68 транспорт  чарасын тикшерделәр. Автомобильдә барганда иминлек  каешын  эләктермәгән  6  йөртүчегә беркетмә  төзелде.

Шулай  ук юл хәрәкәте  кагыйдәләрен үтәмәгән бер җәяүле  административ  җаваплылыкка тартылды.

Август аенда “Тоннель” операциясе киләсе  атна башында  үткәреләчәк.