Кече Шыңарда җәйге каникул вакытында үткәрелгән чаралар

Әйләнә-тирә мохит көненә “Җир исемле планетаңны сакла!» дигән чарада балалар белән “табигатьтә үз-үзеңне тоту кагыйдәләре» темаларына әңгәмәләр үткәрелде, экологик әкиятләр укыдылар, дидактик уеннар уйнадылар. Санкт – Петербург тарихы белән слайд-танышу вакытында балалар игътибарына Россиянең иң матур шәһәрләренең берсе, һәм, әлбәттә инде, шәһәргә нигез салучы Петр I турында хикәя тәкъдим ителде. Россия көненә багышлап «Россия - минем Туган илем» дигән танып-белү программасы үткәрелде. Чара барышында бәйрәм тарихы турында сөйләделәр, балалар «Ватан» дигән сүзне ничек аңлавы турында фикер алыштылар. Балалар өчен «музыкаль хәрәкәт»дигән концерт программасы оештырдылар.Концерт номерлары уеннар, табышмаклар белән алмашынды, барысы да музыкаль хәрәкәттә актив катнаштылар.

Чыганак: saby.tatarstan.ru