Килдебәк авыл җирлегендә гражданнар җыены узды

Җыенда Саба муниципаль районы башлыгы урынбасары Расих Закирҗанов, хокук саклау органнары вәкилләре, оешма-предприятия җитәкчеләре һәм вәкилләре катнашты. Беренче булып авыл җирлегендә урнашкан бюджет оешмалары җитәкчеләре 2021 нче башкарган эшчәнлек буенча хисап тоттылар һәм 2022 нче елга булган планнары белән уртаклаштылар.

Полиция участковый уполномоченные Айзат Сибагатов 2021 нче елда авыл җирлегендә булган хокук бозулар һәм хокук бозуларны кисәтү буенча эшчәнлек белән таныштырды. Татарстан Республикасының Саба һәм Теләче муниципаль районнары буенча янгын күзәтчелеге һәм профилактика эше буенча бүлек җитәкчесе Айнур Галимуллин Саба муниципаль районындагы янгын очраклары һәм янгын куркынычсызлыгы таләпләре һәм әлеге таләпләргә кертелгән үзгәрешләр турында сөйләде. 

Шулай ук җыенда Саба районы ветеринария берләшмәсе җитәкчесе Зөлфәт Ганиев, «Россельхозбанк»ның Сабадагы өстәмә офисы җитәкчесе Рәзинә Билалованың чыгышлары тыңланды. Килдебәк авыл җирлеге башлыгы Нияз Заһидуллин халык каршында 2021 нче елда авыл җирлегендә башкарылган эшләр буенча хисап тотты һәм 2022 нче елда эшләнергә тиешле эшләргә тукталып, бурычларны да билгеләп үтте. Җыенны йомгаклап Саба муниципаль районы башлыгы урынбасары Расих Закирҗанов авыл җирлегендә яшәүче халыкка мөрәҗәгать итеп, авыл җирлеге һәм гомүмән районда башкарырга тиешле эшләргә тукталды һәм нинди юнәлештә хәрәкәт итәргә кирәк дигән фикерләре белән уртаклашты.

Чыганак: saby.tatarstan.ru