Космонавтика көненә балалар газета чыгардылар һәм викторинада галәм турындагы белемнәрен ныгыттылар

  12 апрельдә Россия Федерациясендә Космонавтика көне билгеләп үтелә. Нәкъ шул көнне, 1961 елның 12 нче апрелендә Совет очучы-космонавты Ю.А. Гагарин «Восток-1» корабында кешелек тарихында беренче тапкыр космоска чыга. Бу вакыйганың әһәмиятен ассызыклау өчен,11 апрельдә Арташ мәдәният йорты һәм Ике басу Арташ авыл китапханәсе  балалар белән стена газетасы чыгарды.

  Саба урман хуҗалыгының  тарихи музеенда балалар өчен авиация һәм космонавтика көненә багышланган «Космик викторина» узды. Бу чара яшь кунакларга бик ошады. Балаларның галәм турындагы белемнәре тагын да артты, күп кенә кызыклы мәгълүмат тупланылды.