Көзге бәйрәм «Сөмбеләне кем белә?»
20 сентябрь көнне Кызыл Мишә мәдәният йорты хезмәткәрләре китапханәче белән берлектә «Сөмбеләне кем белә?» дип исемләнгән көзге бәйрәм үткәрделәр.
Сөмбелә – уңыш бәйрәме. Аны көзге көн белән төн тигезләшкән көндә билгеләп үтәләр. Элек-электэн уңышны җыеп алган чорларда, көзге чәчү эшләре төгәлләнгәч, кешеләр бу бәйрәмне оештырганнар. Бәйрәмнең хуҗасы Сөмбелә исемле кыз булган. Бәйрәмдә җырлар, шигырьләр, табышмаклар – барысы да булды. Ә биюсез нинди күңеллелек булсын ди? Балалар дәртле татар көйләренә рәхәтләнеп биеделәр, алар белән төрле уеннар һәм конкурслар оештырылды. Чара ахырында балаларга күчтәнәчләр өләшенде. «Сөмбелә» бәйрәме балаларга бик ошады.
Фото: saby.tatarstan.ru
Следите за самым важным и интересным в Telegram-каналеТатмедиа
Нет комментариев