Милли мәдәниятләр һәм гореф-гадәтләр елы уңаеннан Татарстан Рәисе бүләге

Бүген Казанда Милли китапханә каршындагы мәйданда муниципаль мәдәният  учреждениеләренә автомобильләр тапшырдылар. Чара Татарстанда милли мәдәниятләр һәм гореф-гадәтләр елы уңаеннан оештырылды.  Бүләкләнүчеләр арасында Саба районы  мәдәният бүлеге дә бар.  Автомобильне  бүлек начальнигы  Рөстәм Заһидуллин кабул итеп  алды. «Яхшы хезмәтегез өчен рәхмәт! Бу машиналар урыннарда бик кирәк. Хәерле юллар! Бу сезгә Яңа ел алдыннан кечкенә бүләк булсын», — дип мөрәҗәгать итте Татарстан Респубикасы Рәисе Рөстәм Миңнеханов мәдәният өлкәсе хезмәткәрләренә.