Өч яклы килешү имзаланды

Документны баш­карма комитет исеменнән – башкарма комитеты җитәкчесе Марат Ишниязов, профсоюзлардан – район профсоюзлары оешмаларының координация советы рәисе Гөлназ Нигъмәтҗанова, эш бирүчеләрдән «Мөхәммәтшин» крестьян-фермер хуҗалыгы җитәкчесе Зөфәр Мө­хәм­мәтшин имзалады. Килешү социаль партнерларның халыкның тор­мыш дәрәҗәсен күтәрүгә, хез­мәт базарын һәм мәшгульлеген үстерүгә, гражданнарның социаль якланганлыгын камилләштерүгә, хезмәткә хо­кукларын саклауга юнәл­дерелгән уртак эшчәнлеген бил­гели. Якларның социаль партнерлыкта ак­тив катнашулары нәтижәле муниципаль идарә ни­гезендә кеше капиталын туплауга, үзара җаваплылыкны арттыруга бу­лышлык итәчәк. Килешү икътисади мөнәсәбәтләрне җайга салуның гомуми принципларын бил­геләүче хокукый акт булып тора.