Олы Арташ авылында яшәүче Рузия Талип кызы Сәитованы 90 яшьлек юбилее белән котладылар
Юбилярны районның социаль яклау идарәсе җитәкчесе Лилия Гайнетдинова, Арташ авыл җирлеге башлыгы Алмаз Әгъләмҗанов, «Нырты» ҖЧҖ авыл хуҗалыгы оешмасы икътисадчысы Ильдария Валиева котлады.
Рузия Талип кызы 1933 елның 20 июнендә Саба районы Олы Арташ авылында туган. Гаиләдә икенче бала булып дөньяга килә. Авылда дүрт класс белем ала, укуын дәвам итәргә башкача мөмкинлек булмый, 4 класс белем алгач, колхозда эшли.1956 елда Олы Арташ авылында яшәүче Сәетгәрәев Габделхак Сәетгәрәй улына кияүгә чыга. Арташ совхозында төрле эшләрдә эшләп, пенсиягә чыга. Өч кыз, ике малай тәрбияләп үстерәләр, 8 оныгы, 1 оныкчыгы бар. Бүгенге көндә улы Илсур тәрбиясендә бәхетле картлык кичерә.
Следите за самым важным и интересным в Telegram-каналеТатмедиа
Нет комментариев