Олы Шыңарда сәламәтлек мөмкинлекләре чикләнгән авылдашларын кайгырталар

 Язмыш тарафыннан сыналган кешеләрнең хәлләрен белү, аларны төрле яктан кайгырту- һәркемнең изге бурычы. Кайвакыт ихластан әйтелгән бер җылы сүз дә аларга яшәү  көче бирә, тормышларын җиңеләйтә. Инвалидлар ункөнлеге кысаларында,  Олы Шыңар авыл җирлеге инвалидлар Советы рәисе Р.Әхмәтов  мәдәният хезмәткәрләре белән бергә  балачактан инвалидлар Айдар Мозаффаров, Нурлыһөдә Җамалетдинова һәм сәламәтлек мөмкинлеге чикләнгән Илдус Ибраһимовларның өйләрендә булдылар, аларга  сәламәтлек, куңел тынычлыгы теләп күчтәнәчләр тапшырдылар. Алар очрашуга бик куанып, тормыш хәлләре турында сөйләшеп, бик теләп аралаштылар. Мондый очрашулар бик кирәк, кылган гамәлләре савапка булсын!