Районыбыз укучылары «Географик диктант»та катнаштылар

16 ноябрендә Саба муниципаль районының гомуми белем бирү мәктәпләре базасында Ел саен үткәрелә торган "Географик диктант" халыкара мәгърифәтчелек акциясе узды. Әлеге акция география сөючеләр өчен чын бәйрәм төсен ала, ул бөтен дөнья буйлап кешеләрне берләштерә. 2023 елда әлеге диктантта 109 илдән 3,6 миллион кеше катнашканлыгы билгеле. Районыбыз укучылары да әлеге диктантта актив катнашып, география өлкәсендәге белемнәрен тикшерделәр.