Районыбызда кыр эшләре барышы: иң күп уңыш “Мөхәммәтшин” крестьян-фермер хуҗалыгында
Авыл хуҗалыгы һәм азык-төлек идарәсеннән алынган мәгълүматлардан күренгәнчә, 7 августка районда игеннәр барлык мәйданнарның 45,3 процентында урылган.
Көнгә 2 мең гектарга якын мәйданда эш башкарыла. Район хуҗалыклары барысы 10248 гектар мәйданда игеннәр урдырдылар һәм 293918 центнер ашлык суктырып алдылар. Иң күп уңыш “Мөхәммәтшин” крестьян-фермер хуҗалыгы (34039 ц.) һәм “Игенче” җәмгыяте (32790 ц.) амбарларына кайтты. Шулай ук вак КФКлар барысы 33 мең центнер арпа җыеп алдылар. “Мөхәммәтшин” хуҗалыгында һәр гектардан уртача – 46,2, “Кибәче” бригадасында – 36,2, “Көек”” җәмгытяендә – 35, “Нырты” предприятиесендә 31,9 центнер уңыш чыга. Шулай ук “Сатыш” бригадасында, “Игенче” хуҗалыгында, “Урта Саба”да да уңыш районның уртача күрсәткеченнән югарырак.
Уҗым культураларын көзге чәчү өчен 6773 гектарда җир әзерләнде.
Следите за самым важным и интересным в Telegram-каналеТатмедиа
Нет комментариев