Ролл ясау буенча мастер-класс

Бүген Шәмәрдән балалар китапханәсендә "Илһам" ял көне клубы әгъзалары өчен "Могҗизалар остаханәсе" проекты кысаларында кулинар юнәлештәге чара узды.

Китапханә укучысы, «Хыял» клубы әгъзасы, япон ашлары остасы Гөлкәй Әхмәтҗанова ролллар ясау буенча мастер-класс үткәрде. Әлбәттә, хәзерге вакытта әлеге ризык модада, ләкин остадан башка, катнашучыларның берсе дә аны өйдә үзе ясап караганы булмады. Шуңа күрә без процесска кызыксынып чумдык.

Балалар китапханәсе мөдире Резеда Галиәкбәрова  китаплар ярдәмендә кайбер азык-төлек продуктларының һәм азык-төлек өстәмәләренең файдасы һәм зыяны турында сөйләде. Гөлкәй Әхмәтҗанова балаларга роллларны ясарга булышкан арада, без кара борыч һәм суүсемнең файдасы турында күбрәк мәгълүмат алдык.

Ролл ясау процессы тиз түгел, ләкин кызыклы. Эшнең катлаулылыгына карамастан, барлык балаларда да бик матур һәм аппетитлы ролллар килеп чыкты, алар аларны горурлык белән өенә алып кайтып киттеләр.

Иң мөһиме, барлык катнашучылар да мастер-класс барышында аралашудан яхшы кәеф алдылар.