Руль артында тыелган матдә тәэсирендә тоткарланган

   Алкотектор тикшерүе исә 0,000 промилле күрсәтә.  Шуннан соң Хәкимовка хастаханәдә медицина тесты узарга тәкъдим ителә. Йөртүче ризалык белдерә. Химик-токсикологик  анализ вакы­тында аның организмында исе­ме авыр әйтелешле матдә –  тет­рагидроканнабинол кислота­сы барлыгы ачыклана. Шулай итеп, медицина нәтиҗәсе буенча йөртүче исереклек  халәтендә була. Әмма  ал­когольдән түгел, ә куллану тыелган матдә тәэси­рендә.

Административ җавап­лы­лык­­­­ка тар­тылучы, гәрчә алдан­ хәбәр ителсә дә, 2  августка бил­геләнгән суд утырышына килмәде, эшне карауны кичектереп торуны да сорамады. Ягъни закон мөмкинлек биргән хокукыннан  файдаланмады. Әмма процесс барышында катнашмау бернәрсәне дә үзгәртми. Суд  карары  чыгарылганда  йөртүченең  аңарчы да административ  җа­вап­лылыкка тартылуы аның хәлен  авырайта торган шарт бу­ларак исәпкә  алынды. Шулай  итеп, Хәкимов бер  ел да 6 айга  транспорт белән идарә итүгә хокук биргән танык­лыксыз калды. Ике  ай  эчендә 30 мең сум штрафны да түләргә туры  киләчәк.

Саба муниципаль районы юл иминлеге комиссиясе ярдәмендә әзерләнде