Саба боксчылары Республика һәм Бөтенроссия турнирларында
2018 елның 17 октябреннән 20 октябренә кадәр Яшел Үзән шәһәрендә тренерлар Парфенов Г. И. һәм Соколов М. Н. истәлегенә бокс буенча ачык республика турниры узды.
Ярышларда Татарстан Республикасы һәм Россиядән 150 дән артык спортчы катнашты. Райондашыбыз Саетов Ислам 42 кг авырлык категориясендә турнир чемпионы булды.
Шул ук көннәрендә Алабуга шәһәрендә Алабуга муниципаль районы Башлыгы призына бокс буенча Бөтенроссия турниры узды. Ярышларда бөтен Россиядән 190 баксер, шул исәптән безнең «Олимп " балалар-яшүсмерләр спорт мәктәбе боксчылары да катнашты. Безнең спортчыларыбыз яхшы күрсәткечләр күрсәттеләр. Байметов Данияр 27 кг авырлык категориясендә 1 урынны алды һәм Бөтенроссия турниры чемпионы булды. Арутюнян Давид 52 кг авырлык категориясендә көмеш медаль яулады.
Фото: http://saby.tatarstan.ru
Следите за самым важным и интересным в Telegram-каналеТатмедиа
Нет комментариев