Саба гимназиясе олы юбилеен каршыларга әзерләнә

  Шушы көннәрдә  10нчы сыйныфлар белән очрашуга ветеран укытучылар чакырылды. Мөгаллимнәр Равил Абдулла улы Гомәров мәктәптә география фәненнән укыткан, хәзергесе көндә Сабабызның һәм куренекле якташларыбызның тарихын өйрәнә. Физия Корбан кызы  Шайхетдинова 43 ел рус теле һәм әдәбиятеннән  укыткан, хәзергесе көндә “Хатирә” өлкәннәр клубын житәкли. Мөхтәрәм затлар үзләренең яшь вакыттагы эшләү дәверендә булган кызыклы вакыйгалар, эшкә килеп кергән чорларны искә алдылар. Үзләре белән алып килгән фотоальбомнардагы укучылары турында сөйләделәр. 10 сыйныф укучыларына киңәшләрен җиткерделәр. Укучылар, альбомнар белән танышканнан соң, Саба мәктәбендә укыган якыннары турында презентация ясап, музейга бүләк итәчәкләрен дә белдерделәр.