Саба мөхтәсибәте Оренбург өлкәсендә зыян күрүчеләргә ярдәм җыюны оештыра

«Әссәламүгаләйкүм хөрмәтле райондашлар!  Саба районы мөхтәсибәте Оренбург өлкәсендә су басудан зыян күрүчеләргә ярдәм җыю оештыра. Ярдәмне  15-18 апрель көннәрендә Саба үзәк мәчетенә (киемнәр һәм көнкүреш кирәк яраклары) китерә аласыз. Ярдәм акчалата да кабул ителә. Акча күчерү өчен реквизитларны  мәчет аша белешергә мөмкин. Бәлага таручылар өчен мөмкинлектән чыгып ярдәм итик, битараф калмыйк!» дип мөрәҗәгать итә райондашларыбызга мөхтәсибәт җитәкчелеге.