Саба район үзәк хастаханәсенә яңа кардиолог билгеләнде

  Гайратджон Абдукарим улы Ходжаматов Таҗикстанда туып үскән. Шунда ук медицина көллиятен тәмамлаган. Аннары Россиягә күченеп, Оренбург Дәүләт Медицина университетына укырга керә. 6 ел укыгач, табиб-терапевт белгечлеге ала. Аннары Казанга күчеп, табиб-кардиолог белгечлеге буенча Казан дәүләт медицина университеты ординатурасына укырга керә. 2023 елның сентябрендә, аспирантураны тәмамлап, табиб-кардиолог аккредитациясен ала һәм декабрьдән Саба район үзәк хастаханәсендә эшли башлый. Өйләнгән, кызы бар.

Гайратджон Абдукарим улына халыкны сәламәтләндерү өлкәсендә уңышлар,  иминлек телибез.

Саба үзәк хастаханәсенең матбугат хезмәте