Саба районында мәктәп яны лагерьларында 1 меңнән артык укучы ял итте

Җәй башыннан районыбызның 20 мәгариф учреждениесендә мәктәп яны лагерьлары эшли башлады. 21 көн дәвамында ял һәм сәламәтләндерү лагерьларында барлыгы 1000 укучы ял итте, төрле өлкәләрдә белемнәрен ныгытып, экскурсияләргә барып, бәйгеләрдә көч сынашты. Шулай ук 20 мәктәптә хезмәт һәм ял лагере дә эшләде. Аларда 150 укучы ял һәм хезмәтне бергә үреп алып барды. Укучылар җәйге каникулны күңелле итеп үткәреп, сентябрь аенда исән-сау килеш мәктәп парталары артында күрешергә сүз куешып таралыштылар.