«Нургали оныклары» командасы «Халык традицияләрендәге Урман» VI слетында гран-прига ия булды

Аны ябу тантанасында ТР Урман хуҗалыгы министры урынбасары Рәис Гомәров һәм «Лубян урман-техник колледжы» ГБПОУ директоры Рим Фәхразиев катнашты.

"Слетның өч көне дә бай һәм нәтиҗәле үтте. «Урман цифрлы викторинасы» интеллектуаль уены, «яшь урманчылар» конкурсы, төрле белем бирү программалары һәм мастер-класслар оештырылды, – диде слетта катнашучыларга мөрәҗәгать итеп, Рәис Гомәров. - Барысына да чын күңелдән нык сәламәтлек, бәхет, укуда уңышлар һәм яңа җиңүләр телим".

Иҗади конкурс нәтиҗәләре буенча Илсинә Латыйпова (Саба районы «Лесхозская СОШ»  «Нургали оныклары» мәктәп урманчылыгы) 1 нче урынга лаек булды

"Яшь урманчылар" конкурсы нәтиҗәләре буенча Ислам Билалов һәм Илвина Насыйбуллина («Нургали оныклары" мәктәп урманчылыгы) җиңү яулады

Мәктәп урманчылыклары күргәзмәсен оештырган өчен «Нургали оныклары» Гран-при дипломы белән билгеләнде.

 Команда зачетында урыннар түбәндәгечә бүленде: 1 нче урында-«Нургали оныклары» мәктәп урманчылыгы (ТР «Саба урманчылыгы» ГКУ, Саба районы), 2 нче урында – «Дубравушка» (ТР «Буа урманчылыгы» ГКУ, Апас районы) һәм 3 нче урында-«Экос» (ТР «Лубян урманчылыгы» ГКУ, Кукмара районы).