Саба үзәк хастаханәсенә медик булырга хыялланган укучыларны кабул иттеләр

 Укучылар иң элек Казан медицина университеты турында алтынчы курс студенты Алисә Вәлиәхмәтова тәкъдим иткән презентацияләр һәм видеоматериаллар белән таныштылар. Ул югары уку йортының факультетлары, студентлар тормышы, спорт казанышлары һәм фәнни тикшеренүләр турында җентекләп сөйләде.
Балалар медицина университетларына керү шартлары белән кызыксындылар, күпсанлы сораулар бирделәр.
Аннары кунаклар Саба үзәк район хастаханәсе структурасы һәм авыл медицина учреждениеләренең эш үзенчәлекләре белән таныштылар.  Өлкән сыйныф укучылары өчен поликлиника буенча экскурсия оештырылды, анда алар диагностика кабинетлары (ЭКГ, ФГДС), РКТ, клиник-диагностика лабораториясе, хирургия һәм стоматология бүлекләрендә булдылар.
Очрашу табиблар белән аралашу белән тәмамланды, алар балаларның калган сорауларына җавап бирделәр. Укучыларга шулай ук медицина югары уку йортларына кабул итү кагыйдәләре язылган мәгълүмати буклетлар тапшырылды.