Саба волонтерлары Кызыл Байраклы Жуков орденлы Казан югары танк команда училищесында кунакта булды

  2025 елның 2 апрелендә Без Жуков орденлы Казан югары танк команда училищесына кунакка чакырылган идек. Ул илебезнең бердәнбер танк училищесы. Безнең өчен 3 сәгатьлек экскурсия һәм хөрмәтләү чарасы үткәрелде. Бүләкләү тантанасында Россия Герое, легендар «Алеша» танкы командиры, 7 нче чакырылыш ТР Дәүләт Советы депутаты Баксиков Рәсим Рәшид улы, 7 нче чакырылыш ТР Дәүләт Советы депутаты, «Хәят»халык инициативаларын үстерү һәм гамәлгә ашыру буенча Попечительләр советы әгъзасы Галиев Марат Ибраһим улы катнашты.

Яруллин Илнур Гомәр улы фонды һәм «Хәят» коммерцияле булмаган автоном оешмасы исеменнән Россия волонтерларының истәлекле медальләре белән командабызның 11 волонтеры бүләкләнде. Генерал майор Герасимов Виталий Петровичның Рәхмәт хатларына безнең волонтерлар да лаек булды. Казан югары танк училищесы коллективына,бу сәяхне оештырырга булышкан Саба районына, иганәчелек ярдәме өчен «Аква Двери»  компаниясенә, Санкт-Петербургның «Аврора» нәшриятына, танк училищесы китапханәсенә һәм мәртәбәле кунакларга истәлекле бүләкләре өчен зур рәхмәт.

Без курсантларның ничек тәрбияләнүләренә күрдек. Аларның кунакчыллыгы, Ватаныбызга чын күңелдән хезмәт итүләре киләчәгебезнең Бөек дәүләтебезнең чын яклаучыларыбыз кулында булуын тагын бер кат исбатлады. Бу безнең өчен зур дәрәҗә!

Гөлнара Фәтхерахманова,

«Хәят» коммерцияле булмаган автоном оешмасы җитәкчесе