Саба хастаханәсендә шикәр авырулы пациентларга дөрес туклану турында сөйләделәр

Район үзәк район хастаханәсендә 2нче  типтагы шикәр диабеты булган пациентларга сәламәтлек мәктәбенең  чираттагы дәресе оештырылды. Әңгәмәнең темасы: «Шикәр чире булганда дөрес туклану».

Саба үзәк район хастаханәсе табиб-эндокринологы Илзирә Зарипова  2 типлы шикәр диабеты вакытында туклануны ничек дөрес оештырырга,  ризыкларның кайсыларын  рационнан алырга һәм  нинди ризыклар белән алыштырып булу мөмкинлеге  турында сөйләде.

Әңгәмә фикер алышу форматында узды. Илзирә Илгиз кызы пациентларның барлык сорауларына җентекләп җавап бирде. Мондый формат - зур булмаган төркемдә  иң нәтиҗәле фикер алышу. Шуңа күрә мондый чаралар «Сәламәтлек мәктәбе " дип атала.

Район үзәк хастаханәсенең матбугат үзәге